Dr FCB lääbt vo sine Fans us dr ganze Region. Trag au du drzue bi, dass die rotblaue Farbe sichtbar wärde und häng dini Jubiläumsfahne an e Balkon, Gartehaag oder us em Fänschter. Erhältlig isch sie an de kommende Aaläss zum 130. Geburtsdaag sowie an folgende Verkaufsstelle:

Didi Offensiv, Saal 12, FCB-Fanshop, Container uff dr Plattform an de Spieldääg – Me git, was me wott! Mit de Iinahme wärde d Aaläss zum Jubiläum finanziert, e allfällige Gwünn goht an s FCB-Museum.

Hesch im Kaschte oder Käller none anderi FCB-Fahne umeligge, denn häng au die sichtbar uff und sorg drfür, dass Stadt und Region zum 130. Geburtsdaag vom FC Basel und drüberus Farb bekenne!