Am 15. Novämber 2023 fiirt dr FC Basel si 130-jöörigs Bestehe. Gmeinsam veraastalte dr FC Basel 1893, s FCB-Museum, s Didi Offensiv und d Muttenzerkurve Basel e Reihe vo Aaläss, wo d Lüt zämmebringt, dr FCB und sini Vergangeheit hochlääbe losst und sälber e Stügg FCB-Gschicht schribt. Ehemolige Schlüsselfigure zueloose, dr FCB vo morn seh schutte, Fachwüsse uff d Prob stelle, nostalgisch in dr Vergangeheit schwelge: Kumm vrbi und erlääb 130 Joor FCB!